Lauman nga mas dagsaon pa ang probinsya sa bohol sa mga lokal ug langyaw nga turista human nadugangan ang serbisyo sa tagbilaran city airport pinaagi sa pag-lusad sa bag-ong Airline Company nga mao ang Tigerair Philippines nga gihimo karong adlawa Octobre 23.
Oct 24th, 2014 by Latest News
Ang tigerair Philippines adunay direktang biyahe gikan tagbilaran padulong sa manila diin mas dali nalang sa mga bisita nga mobiyahe gikan sa kauluhan paingon dinhi sa bohol nga dili na mo-agi ug cebu sukwahi sa naandang biyahe sa ubang airline company.
Ang maong paglusad gitambungan sa mga opisyales sa kagamhanan sa probinsya ug syudad lakip na ang Regional Director sa Department of Tourism Central Visayas Rowena Montecillo diin gipasalamatan niini ang tagdumala sa nahisgutang airline company sa pagtabang nga mas mailhan pa ang probinsya sa bohol isip usa sa mga tourist destination sa nasud.
Link back to: Live Radio Recorded Broadcast Hot Topics