LALAKING MIPUTOL SA ULO SA USA KA BABAYE SA LUNGSOD SA CARMEN GIPASAKAHAN NA OG KASO
Oct 15th, 2014 by Latest News
Gi-pasaka na sa piskalya ang kaso batok sa usa ka lalakeng suspek sa pagpatay sa usa ka ginang didto sa barangay Guadalupe lungsod sa Carmen niadtong milabayng adlaw.
Matud ni PO2 Raulito Henerilao sa Carmen pnp nga ang kasong murder gi-pasaka nila kagahapong adlawa.
Kasong murder ug way gi-rekomendang pyansa ang korte batok kang john amamampang 24 anyos ug nag-puyo sa nahisgutang lugar.
Ang suspek maoy responsible sa pagkamatay sa usa ka jenny pirutso 42 anyos minyo ug nag-puyo sa susamang dapit.
matud ni PO2 henerilao nga bangag sa illegal nga droga ang maong suspek nga moay posibling hinungdan nga nagtukmod kaniya sa pagpatay sa biktima pinaagi sa pag-abis sa ulo niini.
Hinoon ang maong krimen gi-angkon sa suspetsado atubangan sa piskalya atol sa pag-pailawom niini sa inquest proceeding.
Samtang ang pamilaya ug kabanay sa biktima nagpasalamat nga nasikop ang suspek apan grabeng kasubo ang gibati niini sanglit aduna pa kini gamayng anak nga gibiyaan.
Link back to: Live Radio Recorded Broadcast Hot Topics
