Kaso sa Dengue sa Bohol mikunhod karong tuiga
Oct 11th, 2014 by Latest News
Nunot sa tinud-anay nga kampanya sa mga tinogyanan sa pagsumpo sa makamatay nga sakit nga dengue, ang tsirman sa Committee on Health and Sanitation sa Sangguniang Panlalawigan nga si Bokal Cesar Thomas Lopez sa unang distrito mitaho nga dako ang pagkunhod sa kaso sa dengue sa probinsiya karong tuiga itandi sa miagi.
Si Lopez mibutyag niini atol sa regular nga sesyon sa mga magbabalaod sa probinsiya kagahapon nga basi sa talaan sa Provincial Epidemiology and Surveillance Unit sa Provincial Health Office nga gikan sa Enero hangtud sa ikatulong semana sa miaging buwan sa Septyembre karon nga tuig, 719 ang kaso sa dengue diin duha niini ang nakalas gikan sa Tagbilaran City ug sa lungsod sa Bilar samtang 1,746 usab ang natala sa milabayng 2013 diin 13 ang namatay u gang dakbayan sa Tagbilaran gihapon ang nag-una miabot sa 352 ang nataptan samtang Sikatuna ang kinagamyan 3 lang ang nasakit.
Matud ni Lopez nga timailhan kini nga epektibo ang mga pamaagi nga gihimo sa mga tinogyanan sa panglawas sama sa DOH ug sa mga pangagamhanang lokal pagsumpo sa lamok nga nagdala sa dengue.
Link back to: Live Radio Recorded Broadcast Hot Topics
