Gumikan sa pagtinabangay sa komonidad naminusan ang mga nabiktima sa sakit nga dengue sa pipila ka buwan
Oct 23rd, 2014 by Latest News
Gibutyag ni Provincial Health Officer Dr. Reymoses Cabagnot nga mikunhod ang kaso sa dengue dinhi sa Bohol karong tuiga itandi sa miaging tuig.
Gikan sa Enero hangtud sa unang semana ning buwan sa Oktobre, miabot sa 968 ang kaso sa sakit nga dengue nga natala sa Provincial Health Office diin 3 niini ang nakalas ug 965 ang buhi.
Ang dakbayan sa Tagbilaran gihapon maoy nag-una sa kinadaghanang kaso karong tuiga. Suma ni Dr. Cabagnot nga dili lang ang DOH ang nangusog sa pagsumpo sa maong sakit kondili apil na ang hiniusang panglimbasog sa tanang sector sa katilingban sama sa PHO, LGU, ilabina ang Media nga dako kaayog gikatabang sa pagpakatap sa kasayuran pagsumpo sa sakit nga dengue.
Matud hinuon sa provincial health officer nga mahimong malikayan ang sakit nga dengue pinaagi sa pagpanglimpyo kanunay sa palibot.
Link back to: Live Radio Recorded Broadcast Hot Topics