Gobernador Edgar Chatto namahayag nga anaa na sa final nga hugna ang pagbalhin sa Regional Hospital ngadto sa lungsod sa Cortes
Oct 24th, 2014 by Latest News
Gibutyag ni Gobernador Edgar Chatto nga anaa na sa final stage ang plano nga ibalhin ang Governor Celestino Gallares Memorial Hospital sa lungsod sa Cortes. Mao kini ang usa sa mga nahisgutan atol sa tigum sa gobernador, mga mayor sa kalungsuran ug mga tinogyanan sa panglawas dinhi sa Bohol sa miaging adlaw didto sa Governors mansion.
Matud sa gobernador nga aduna nay inisyal nga 500 milyones pesos para sa konstruksyon sa Gallares hospital samtang gipaabot pa usab ang dugang pondo alang niini.
Moabot kini sa 500 ka bed capacity ang maong tambalanan nga adunay psychiatrict ward. Mimando usab ang gobernador nga ilain ang psychiatrict department apan masulod gihapon kini sa compound sa tukorong tambalanan.
Ang bag-ong CT Scan machine karon sa Gallares Hospital nga bag-ohay pa gisubhan nagamit na sa mga nanginahanglang pasyente sa ubos nga bayad.
Sa iyang bahin, naninguha ang hepe sa maong tambalanan nga si Dr. Teofilo Arcay nga makabutang sila og psychiatrist nga maoy moatiman sa mga tawo nga nalisuan sa panghuna-huna kini human mitaho si Mayor Lloyd Peter Lopez sa Loon nga usa ka lalaki nga nagkadiperensya ang utok gumikan kay nalango sa illegal nga drogas ang mipatay sa kaugalingon niining iyahan.
Link back to: Live Radio Recorded Broadcast Hot Topics