GIPASABOT SA TINOGYANAN SA BUHATAN SA PROVINCIAL VETERENARIAN NGA GAMAY LANG ANG ILANG NAHIMO NGA PAGMAKUNA SA MGA IRO BATOK SA RABIES KARONG TUIGA GUMIKAN SA DAGHANG MGA PROYEKTO KABAHIN SA REHABILITASYON ANG GIHATAGAN OG UNANG PAGTAGAD SA MGA KALUNGSURAN NUN OT SA NAHITABONG LINOG SA PROBINSIYA SA NIAGING TUIG
Dec 11th, 2014 by Latest News
LOKAL NGA BALITA
DEC. 11, 2014
REYTUT’s
GIPASABOT SA TINOGYANAN SA BUHATAN SA PROVINCIAL VETERENARIAN NGA GAMAY LANG ANG ILANG NAHIMO NGA PAGMAKUNA SA MGA IRO BATOK SA RABIES KARONG TUIGA GUMIKAN SA DAGHANG MGA PROYEKTO KABAHIN SA REHABILITASYON ANG GIHATAGAN OG UNANG PAGTAGAD SA MGA KALUNGSURAN NUN OT SA NAHITABONG LINOG SA PROBINSIYA SA NIAGING TUIG
Giangkon ni Provinical Veterenarian Dr. Stella Marie Lapiz nga gamay lang ang ilang nahimong pagpamakuna sa mga iro batok sa rabies dinhi sa lalawigan karong tuiga.
Matud ni Dr. Lapiz nga 40 porsyento lang ang ilang vaccination accomplishment sa 70 porsyento nila nga target sa kinatibuk-ang 97 mil ka mga iro sa tibuok lalawigan.
Gipasabot ni Lapiz nga ubos ang ilang vaccination accomplishment karon kay segun sa ilang mga pakisusi gihatagan og unang pagtagad sa mga kalungsuran ilabina kadtong nadaut pag-ayo sa 7.2 magnitude nga linog ang proyekto sa rehabilitasyon samtang ang ubang lungsod usab wala na magpakabana ilabina kung ang nahibaw-an nila wa may namatay sa pinaakan sa iro.
Gipasalig sa mga beterenaryo sa probinsiya nga adunay igong suplay sa bakuna batok sa rabies ang lalawigan karon ilabina nga mihatag ang Departmnet of Health ug ang Bureau of Animal Industry.
Giangkon ni Lapiz nga sa aktuwal nga implementasyon karon kabahin sa responsible pet ownership gamay lang ang kahibalo itandi sa niaging mga katuigan.
Link back to: Live Radio Recorded Broadcast Hot Topics