GIPASABOT SA HABITAT FOR HUMANITY FOUNDATION NGA GAMAY LANG ANG GIHIMONG ADJUSTMENT SA PAGKUBKOB OG SUKALO SA MGA BENEPISYARYO SA BARANGAY BUNGAHAN UG VILLA AURORA SA ANTEQUERA UG COUNTERPART USAB KINI SA MGA BENEPISYARYO SA PAGTUKOD OG BALAY MAONG DILI NA KINAHANGLAN PA NGA MOBAYAD ANG HABITAT FOR HUMANITY SA DUGANG NAGASTO SA PAGPATRABAHO SA MGA BIKTIMA SA LINOG
Dec 11th, 2014 by Latest News
LOKAL NGA BALITA
DEC. 11, 2014
REYTUT’s
GIPASABOT SA HABITAT FOR HUMANITY FOUNDATION NGA GAMAY LANG ANG GIHIMONG ADJUSTMENT SA PAGKUBKOB OG SUKALO SA MGA BENEPISYARYO SA BARANGAY BUNGAHAN UG VILLA AURORA SA ANTEQUERA UG COUNTERPART USAB KINI SA MGA BENEPISYARYO SA PAGTUKOD OG BALAY MAONG DILI NA KINAHANGLAN PA NGA MOBAYAD ANG HABITAT FOR HUMANITY SA DUGANG NAGASTO SA PAGPATRABAHO SA MGA BIKTIMA SA LINOG
Gipasabot ni Engr. Vicente Delicto Jr, project director sa Habitat for Humanity Foundation nga dili sila mobayad sa dugang nagasto sa pagpatrabaho sa pagkubkob og sukalo sa mga benepisyaryo nga biktima sa linog sa barangay Bungahan ug Villa Aurora.
Matud ni Engr. Delicto nga counterpart kini sa mga benepisyaryo sa pagtukod og panimalay ug gamay lang ang gihimong adjustment sa pagkubkob og sukalo segun sa ilang technical consultant.
Kahinumdoman nga naghangyo ang mga opisyal pinaagi sa gipalabang nga resolusyon sa Liga ng mga Barangay-Antequera Chapter nga bayran ang nagasto sa labor sa mga benepisyaryo kay dili sakto ang sukod sa sukalo sukwahi sa unang sukod nga gihatag sa Habitat for Humanity Foundation.
Gipasabot usab ni Delicto nga didto nila gibutang sa lungsod sa Catigbian ang mga materyalis sa konstraksyon kay didto ang ilang bodega ug mao kini ang naigoan sa dihang gipresentar kini nila ngadto sa mga opisyal sa wala pa magsugod ang pagpang-apud-apod.
Link back to: Live Radio Recorded Broadcast Hot Topics