GIPANIGURO SA KAPOLISAN SA DAKBAYAN SA TAGBILARAN NGA MAGPABILING HAPSAY UG MALINAWON ANG SIYUDAD BISAG KUWANG SILA SA PERSONAHE ILABINA NGA TALIABOT NA ANG KAPASKUHAN
Nov 21st, 2014 by Latest News
LOKAL NGA BALITA
NOV. 21,2014
REYTUT’s
GIPANIGURO SA KAPOLISAN SA DAKBAYAN SA TAGBILARAN NGA MAGPABILING HAPSAY UG MALINAWON ANG SIYUDAD BISAG KUWANG SILA SA PERSONAHE ILABINA NGA TALIABOT NA ANG KAPASKUHAN
Giangkon sa hepe sa Tagbilaran City Police Station nga si P/CInsp. George Vale nga kuwang sila karon og pulis nga personahe nga motabang sa pagsumpo sa mga nagkalain-laing kremin.
Sa kasamtangan adunay 87 ka police personnel ang kapolisan sa siyudad diin ang tulo niini nipahuway na sa panerbisyo kon Non-Duty Status. Matud pa ni P/CInsp. Vale nga kuwang kaayo ang pulis sa siyudad kay ang ratio karon sa police sa populasyon usa ka pulis ang magbantay sa 1,200 ka tawo.
Taliwa sa kakuwang, gipaniguro gihapon ni Vale nga magpabiling hapsay ug malinawon ang dakbayan sa Tagbilaran ubos sa iyang pamunuan ilabina nga taliabot ang kapaskuhan diin manguli dinhi sa lalawigan ang mga bol-anon.
Gani nakasikop sila kagabii sa gihimong buy-bust operation ang usa ka ilado nga gikatahapang tigpayuhot og shabu nga giilang usa ka Ryan Uzziel Erasmo nga nakuhaan og daghang putos nga dunay sulod mga gituohang shabu ug mga drug paraphernalia.
Gihingusgan usab karon ang police visibility ug ang MASCO kon Motorcycle Anti Street Crime Operatives samtang nanawagan usab siya sa mga katawhan sa pag-abag sa ilang kampanya pinaagi sa sekretong pagtaho batok sa illegal nga drogas nga maoy hinugdan sa mga nagkadaiyang kremin.
Link back to: Live Radio Recorded Broadcast Hot Topics