GIPAHIBALO SA TINOGYANAN SA BUHATANG PROBINSIYAL SA DEPARTMENT OF TRADE AND INDUSTRY NGA ANG GITUGOT SA GOBYERNO NGA IPANGBALIGYA SA MGA TINDAHAN NGA MGA CHRISTMAS LIGHTS MAO LAMANG KADTONG ADUNAY ICC CERTIFICATE UG STICKERS GIKAN SA TUIG 2012 HANGTUD NA NING KASAMTANGANG TUIG
Nov 14th, 2014 by Latest News
LOKAL NGA BALITA
NOV. 14,2014
REYTUT’s
GIPAHIBALO SA TINOGYANAN SA BUHATANG PROBINSIYAL SA DEPARTMENT OF TRADE AND INDUSTRY NGA ANG GITUGOT SA GOBYERNO NGA IPANGBALIGYA SA MGA TINDAHAN NGA MGA CHRISTMAS LIGHTS MAO LAMANG KADTONG ADUNAY ICC CERTIFICATE UG STICKERS GIKAN SA TUIG 2012 HANGTUD NA NING KASAMTANGANG TUIG
Gipamahayag sa hepe sa Consumer Welfare and Regulations Division sa buhatang probinsiyal sa Department of Trade and Industry nga si Joe Hibaya nga nagpadayon karon ang ilang buhatan sa pag-monitor ug pagsusi sa mga tindahan nga namaligya og mga Christmas lights.
Subay sa pahibalo sa ulohang buhatan sa DTI, ang gitugot lamang sa gobyerno nga ipangbaligya sa mga tindahan nga mga standard nga Christmas Lights mao lamang kadtong adunay ICC certificates ug stickers gikan sa tuig 2012 hangtud na ning kasamtangang tuig 2014. Sumala ni Hibaya nga ilang kompiskahon ang mga Christmas Lights nga tuig 2011 paubos ang mga stickers.
Giawhag sa DTI ang mga konsumidor nga magbinantayon sa pagpalit kinahanglan nga basahon og tan-awon pag-ayo ang mga putos sa mga Christmas lights nga paliton.
Tambag ni Hibaya sa mga katawhan nga mintras sayo pa mamalit na sa mga chistmas lights ug uban pang pangdayan-dayan panahon sa pasko aron dili mahasol pag-abot sa buwan sa Disyembre.
Link back to: Live Radio Recorded Broadcast Hot Topics
