Gikatakdang pasakaan ug kaso ang usa ka tigpayuhot ug illegal nga droga nga nasikop sa lungsod sa talibon.
Oct 30th, 2014 by Latest News
Gikatakdang pasakaan ug kaso ang usa ka tigpayuhot ug illegal nga droga nga nasikop sa lungsod sa talibon.
Ang maong gikatahapan gipaila nga usa ka Ronald Galves 45 anyos minyo ug residente sa Poblacion lungsod sa Talibon.
Suma pa kang SPO3 Bonifacio Flores Jr. Chief Investigator sa talibon PNP nga nasikop si galves human sa gipahigayong buy-bust operation diin gi-serve usab ang warrant of arrest niini nga gi-isyu ni Hon. Marivic Trabajo-Daray Prisiding Judge sa RTC Branch 52 sa kasong sec. 5, 11 ug 12 sa R.A 9165 kon comprehensive dangerous drugs act of 2002.
Nakuha sa posisyon sa gikatahapan ang kapin 30 ka mga pakete sa gituuhang shabu ug tulo ka klase sa kalibre sa armas.
Matud ni SPO3 flores nga level 3 ang status sa dinakpan ug nalakip ang iyang pangalan sa listahan sa Bohol Provincial Police Office sa mga drug personality, sa pagkakaron gipaslak prisuhan ang gikatahapan ug gikatakdang ipailawom sa inquest proceeding ugmang adlawa.
Samtang sa laing bahin lakip usab nga gi-sikop sa kapulisan ang upat ka mga personalidad nga mi-bisita sa panimay ni galves atol sa pagsikop niini, Matud ni SPO3 flores nga adunay violation ang gihimo sa upat ka mga tao nga mibisita sa usa ka drug personality.
Ang laing upat ka mga gipangdakop gipaila nga sila Jonjie Gabutan 32 anyos nga taga San Isidro Talibon, Laurence Dagohoy 23 anyos ug taga Barangay Poblacion, Reynaldo Galves 30 anyos taga Barangay San Agustin Talibon ug usa ka babae nga si Marjorie Sentillas 20 anyos ug nagpuyo sa Junan lungsod sa Buenavista.
Ang upat ka mga dinakpan gikatakdang pasakaan ug kasong kalapasan sa Sec. 7 Paragraph B sa Republic Act 9156.
Samtang padayon usab nga gipangita sa kapulisan ang usa pa ka kauban ni galves nga usa ka Gilbert Cajes samtang gikatakda usab nga ipasaka ang kaso batok niini.
Link back to: Live Radio Recorded Broadcast Hot Topics