GIKANSELAR GIHAPON ANG PANAW SA MGA FASTCRAFT SAMTANG GITUGOTAN NA ANG MGA DAGKONG BARKO NGA ADUNAY GIBUG-ATONG 250 GROSSTONAGE NGA MAKABIYAHE BISAG GILIBKAS NA SA PAG-ASA ANG STORM SIGNAL SA BOHOL NUNOT SA GIPAGAWAS SA PAG-ASA NGA GALE WARNING TUNGOD SA DAGKONG BAWD SA KADAGATAN
Dec 9th, 2014 by Latest News
LOKAL NGA BALITA
DEC. 9, 2014
REYTUT’s
GIKANSELAR GIHAPON ANG PANAW SA MGA FASTCRAFT SAMTANG GITUGOTAN NA ANG MGA DAGKONG BARKO NGA ADUNAY GIBUG-ATONG 250 GROSSTONAGE NGA MAKABIYAHE BISAG GILIBKAS NA SA PAG-ASA ANG STORM SIGNAL SA BOHOL NUNOT SA GIPAGAWAS SA PAG-ASA NGA GALE WARNING TUNGOD SA DAGKONG BAWD SA KADAGATAN
Gikanselar gihapon sa Philippine Coast Guard ang panaw sa mga fastcraft gikan dinhi sa dakbayan paingon sa mga nagkalain-laing destinasyon kagahapon bisag gilibkas na sa Philippine Atmospheric Geophysical and Astronomical Services Administration kon PAG-ASA ang storm signal number 1 sa lalawigan sa Bohol.
Matud ni Lt. Jr. Grade Robinson Madriaga, Commander sa PCG –Tagbilaran Station, ang gitugotan nila karon nga makabiyahe sa kadagatan kadto lamang mga dagkong barko nga adunay gibug-atong 250 gross tonnage samtang wa pa nila tugoti ang mga fastcraft nga makabiyahe kay naapil ang kadagatan sa Bohol sa Gale Warning nga gipagawas sa PAG-ASA gumikan sa nasinating dagkong bawd kagahapong adlawa.
Gipahimangnuan usab sa CoastGuard ang mga mananagat sa dili pa una pagpanagat. Apan ang OceanJet bisan pa og kanselado na ang tanang panaw sa mga barko nagbaligya gihapon sa ilang mga ticket ug nagpagawas og tentative skedyul.
Link back to: Live Radio Recorded Broadcast Hot Topics