GIKALIPAY NI DILG SECRETARY MAR ROXAS NGA PASPAS ANG PAGPAHIULI UG PAGAMA SA MGA PROGRAMS OF WORKS SA MGA NANGAGUBA SA LINOG SA BOHOL NGA HALOS NI-TRIPLI SUKAD SA IYANG PAGSUSI NIADTONG SUMAD SA LINOG
Nov 21st, 2014 by Latest News
LOKAL NGA BALITA
NOV. 21,2014
REYTUT’s
GIKALIPAY NI DILG SECRETARY MAR ROXAS NGA PASPAS ANG PAGPAHIULI UG PAGAMA SA MGA PROGRAMS OF WORKS SA MGA NANGAGUBA SA LINOG SA BOHOL NGA HALOS NI-TRIPLI SUKAD SA IYANG PAGSUSI NIADTONG SUMAD SA LINOG
Gikalipay ni DILG Sec. Mar Roxas ang paspas nga pagpahiuli ug pagama sa mga Program Of Works kon POW sa mga nangaguba sa 7. 2 magnitude nga linog dinhi sa Bohol nga halos ni-tripli sukad sa iyang pagbisita ug pagsusi naidtong sumad sa linog, Oktobre 15 karong tuiga.
Mao kini ang iyang gipadayag sa iyang pagtambong atol sa tigum kagahapon kabahin sa kalambuan sa pagpatuman sa Bohol Earthquake Assistance – DILG fund nga gitambungan gipanguluhan ni Gob. Edgar Chatto, DILG Regional Director Ananias Villacorta, DILG Provincial Director Ma. Louella Lucino, mga mayor sa kalungsuran ug mga BEA engineers.
Apan giangkon ni Roxas nga hinay gayud ang rehabilitasyon sa lalawigan dihang nibisita ug misusi siya niadtong sumad sa linog gumikan sa kuwang ang mga enhinyero ug dili igo ang katakus sa pagama sa mga Programs Of Works.
Si kalihim Roxas miingon nga wala nay rason nga dili mapaspas ang rehabilitasyon kay miabot na sa 33 ka mga enhinyero, 18 niini gikan sa DILG samtang ang 15 gikan sa DPWH nga motabang sa pagama sa mga POW ilabina nga niadto pang buwan sa Hunyo ang gihatag sa nasudnong kagamhanan nga 2.3 bilyones pesos nga pondo.
Gipasalig sa kalihim nga lig-on ang mga ayuhon ug tukorong mga inprastraktura sa gobyerno sama sa munisipyo, merkado, barangay hall, ug gymnasium.
Naglaum si Roxas nga mahuman ang pagpahiuli sa lalawigan sa dili pa mahuman ang termino ni Presidente Benigno Aquino III sa 2016.
Link back to: Live Radio Recorded Broadcast Hot Topics