Gikabalak-an karon sa pipila ka mga negosyante sa lungsod sa panglao ilabi na sa mga resorts owner ang kabahin sa problema sa coliform, usa ka bacteria nga makuha gikan sa tubig.
Nov 21st, 2014 by Latest News
November 21, 2014
Lokal News / Allen D.
Gikabalak-an karon sa pipila ka mga negosyante sa lungsod sa panglao ilabi na sa mga resorts owner ang kabahin sa problema sa coliform, usa ka bacteria nga makuha gikan sa tubig.
Atol sa programang inyong alagad dinhi sa dyrd gibutyag ni dr. dolorich dumaloan usa sa mga nanag-iya ug resorts nga kinahanglan susihon sa LGU ug sa mga hingtungdang ahensya sama sa DENR ang sitwasyon sa mga beach resorts sa panglao ug gikinahanglan nga mao kini ang unang hatagan ug pagtagad.
Matud pa nga dunay mga resorts sa panglao nga walay waste water facility diin posibling ang hugaw sa tao masagol sa dagat. Sama sa nahitabo didto sa el nido beach sa northern Palawan nga nagpositibo sa coliform ang tubig sa dagat.
Sugyot ni dumaloan nga kinahanglang dunay waste water facility ang matag resorts aron masiguro nga way hugaw sa tao nga mo-sagol sa dagat.
Gi-angkon ni dumaluan nga posibling mag-positibo sa coliform ang tubig sa panglao kung di kini maaksyunan ug hayan maapektuhan ang turismo sa maong lungsod kon ugaling dili mahatagan ug pagtagad sa pangamhanan ug hingtungdang ahensya.
Link back to: Live Radio Recorded Broadcast Hot Topics