Gihagit ni Mayor Roberto Tabañera ang iyang mga katawhan sa lungsod sa Cortes nga mananum ug jatropha isip alternatibong pamaagi sa pagpangita ug panginabuhian ilabi na niadtong naglisod sa pagpangita ug trabaho.
Nov 18th, 2014 by Latest News
November 18 /2014
Lokal News / Allen D.
Gihagit ni Mayor Roberto Tabañera ang iyang mga katawhan sa lungsod sa Cortes nga mananum ug jatropha isip alternatibong pamaagi sa pagpangita ug panginabuhian ilabi na niadtong naglisod sa pagpangita ug trabaho.
Ang jatropha maoy tinubdan sa suplay sa gasolina ug krudo.
Suma sa mayor nga ang pagtanum ug jatropha maoy iyang nakita nga makahatag ug tabang aron nga maka-income ang lungsod lakip na ang iyang mga katawhan sa cortes.
Gibutyag sa mayor nga adunay mga kompanya nga interesadong mopalit sa maong produkto ug siguradong di gyud mawad-an ug kinitaan kung kinsa man ang mo-kugi sa pagtanum niini.
Dili usab lisod ang pag-tanum ug jatropha sanglit wala man kini nag-agad sa panahon inay kanunay kining maka produce ug bunga init man o ting-ulan ang panahon.
Matud ni mayor tabañera nga mao kini ang gipakusgan sa lungsod sa cortes gumikan kay daghan usab ang mipakita ug suporta ug posibling mao usab kini ang makatabang sa paglambo sa ekonomiya sa iyang lungsod.
Link back to: Live Radio Recorded Broadcast Hot Topics
