Giangkon sa City Veterinarian Office dinhi sa dakbayan sa tagbilaran nga halos duha na ka bulan way operasyon ang ilang buhatan kabahin sa pag-panakop sa mga iro nga naglatagaw sa kadalanan
Oct 22nd, 2014 by Latest News
Suma pa kang Aida Navero sa city veterinarian nga gumikan sa guba nilang sakyanan hinungdan nga temporaryong na-undang ang pagpanakop sa mga layaw nga iro.
Nsayran nga daghan na ang mi-padangat ug reklamo kabahin sa mga latagaw nga iro diha daplin sa mga kadalanan diin suma pa nga uban niini maoy hinungdan sa mga disgrasya sa mga motorista ilabi na sa mga motorsiklo.
Matud kang navero nga nag-paabot pa sila kung kanus-a maayo ang sakyanan nga gamiton sa pag-panakop ug mga latagaw nga iro, diin naglaraw usab ang buhatan nga mo-palit nalang ug bag-ong sakyanan.
Subay niini gipahimanguan nalang kadtong mga nang-iya ug iro nga hiposon ang ilang mga hayop aron sa ingon nga di makahatag ug kahasol ngadto sa uban.
Sa higayong mahibalik na ang operasyon sa pagpanakop ug mga latagaw nga iro gihatagan ug tulo ka adlaw ang mga tag-iya aron kuhaon gikan sa impounding area kay kung dili man nila makuha, mahulog nga patyon ug ilubong kini sa taga city veterinarian.
Link back to: Live Radio Recorded Broadcast Hot Topics