Gi-uyunan sa pipila ka mga driver ug habal-habal dinhi sa dakbayan sa tagbilaran ang sugyot ni Tagbilaran City PNP Chief P/Insp/ George Valle nga pasuoton ug uniporme ug ID ang mga habal-habal driver nga mamasahero dinhi sa syudad.
Oct 9th, 2014 by Latest News
Suma sa pipila ka driver ug habal-habal nga nahinabi sa Dyrd, uyon sila sa maong lakang aron nga nindot tan-awon samtang anaa sila sa kadalanan ug sa ingon mamahimong organize usab sila.
Gawas niini malikayan usab nga adunay mo-himo ug binuang ngadto sa ilang mga pasahero gumikan kay dali naman kining mailhan pinaagi sa ilang mga ID number ug uniporme.
Samtang ang uban wa mi-uyon sa maong lakang gumikan matud pa kay hasol na sa ilang kabahin nga daghan pay kuhaon nga mga requirements ug uban pa.
Samtang sa bahin usab sa mga pasahero nga mo-sakay ug habal-habal sagad kanila mi-uyon sa nahisgutang sugyot nga pabutangan ug uniporme ug id ang mga habal-habal driver aron masiguro usab ang ilang seguridad gumikan kay matud pa di na matagna karon ang panahon.
Link back to: Live Radio Recorded Broadcast Hot Topics
