3. Gi-pasalig sa City Engineers Office pinaagi sa ilang labaw nga si Engr. Piancita Castolo nga ipa-ilawom sa pag-mentain ang mga dalan nga paingon sa mga pampubliko ug pribadong sementeryo
Oct 9th, 2014 by Latest News
Matud pa ni castolo nga una paman mo-abot ang adlaw sa kalag-kalag maabunuhan ang mga dalan nga dunay dagkong buslot particular na ang subay sa dalang Espuelas.
Atol sa programang inyong alagad sa Dyrd daghan ang mi-padangat sa ilang sumbong ug reklamo gumikan sa padayong suliran sa kadalanan sa dakbayan dili lang paingon sa sementeryo apan bisan sa mga residential road diin pila na ka tuig ang nang-labay ug matud pa nga daw wa kahatagi ug pag-tagad sa pangamhanang lokal.
Sagad sa kanila mi-hangyo sa buhatan sa City Engineers nga sugdan na ang pag-trabaho sa mga dalang guba gumikan kay lakip ang ilang mga sakyanan ug kaguba kon mo-agi sa mga guba nga dalan.
Samtang si castolo mi-pasabot nga padayon gihapon karon ang pag-mentain sa mga dalang guba ug aduna nay mga dalan nga gi-prayoridad aron i-kongkreto ang pipila ka bahin niini sama sa dalang b.inting, bronidor ramon enerio, rizal ug kinatibuk-ang dalan sa hontanosas nga karong kasamtangan na usab nga gipailawom sa pag-repair.
Gi-pasalig usab ni castolo nga ipasusi ang mga dalan nga gi-reklamo sa katawhan aron nga malakip usab kini sa prayoridad nga maatiman
Link back to: Live Radio Recorded Broadcast Hot Topics
