Gi-pasaka na sa Provincial Prosecutors Office ang kaso batok sa usa ka tigpayuhot ug illegal nga droga nga nasikop atol sa gipahigayong operasyon sa kapulisan didto sa lungsod sa guindulman kagahapong adlawa.
Oct 22nd, 2014 by Latest News
Kasong kalapasan sa sec.5 ug sec. 11 sa Republic Act 9156 ang gi-atubang ni Rowel Bagatsus alyas Roy-Roy 34 anyos lomolupyo sa Baranagy Tabajan lungsod sa Guindulman.
Si bagatsus nasikop atol sa gihimong buy-bust operation sa guindulman pnp diin nakuha gikan sa posisyon niini ang duha ka mga pakete sa gituuhang shabu ug 300 pesos nga Buy-bust money.
Ang gikatahapan temporary unang gipaslak sa bilanguan sa guindulman samtang nagpaabot sa pag-dungog sa iyang kaso.
Sa laing bahin gi-angkon ni PO3 Leonard Efondo nga nag-una ang barangay tabajan lungsod sa guindulman nga naghitak ang operasyon sa illegal nga droga.
Matud ni PO3 Efondo nga base sa ilang madawat nga report sagad sa mga nalambigit sa pagpayuhot ug shabu dayo lang usab sa nahisgutang lugar.
Hinoon luyo niini gipakusgan pa sa guindulman PNP ang ilang operasyon batok sa illegal nga droga.
Link back to: Live Radio Recorded Broadcast Hot Topics