Gi-butyag ni Gobernador Edgar Chatto nga aduna nay budget nga gi-aprubahan aron gamiton alang sa lima ka mga tulay nga ipailawom sa rehabilitasyon.
Oct 25th, 2014 by Latest News
Matud sa gobernador nga mokabat sa 291 milyon ka pesos ang gigahing pondo alang sa nahisgutang mga tulay diin gikan ang maong pondo sa National Disaster Risk Reduction and Management Council kon NDRRMC.
Gibahin-bahin ang maong pondo sa mga tulay nga gilangkuban sa Abatan Bridge sa lungsod sa Cortes nga dunay kapin 106 milyon ka pesos nga pondo, Disamparados Bridge sa lungsod sa Calape nga dunay kapin 32 milyon ka pesos Mulaong Bridge sa lungsod sa Loon kapin sa 78 milyon ka pesos, Tagbuani Bridge sa Alburquerqe kapin 31 milyon ka pesos ug ang Tultugan Bridge sa Calape nga adunay kapin 37 milyon ka pesos nga pondo.
Subay niini gibutyag sa gobernador nga dali nalang unya ang pagtrabaho diin gi-paabot nalang usab nga i-hatag na sa mga contractors ang pagtrabaho sa maong mga tulay.
Link back to: Live Radio Recorded Broadcast Hot Topics