Full Alert Status sa kapolisan sa probensya ipatuman sa pagsaulog sa kalag-kalag
Oct 23rd, 2014 by Latest News
Ipatuman sa kapolisan sa probinsiya ang full alert status tulo ka adlaw sa dili pa ang adlaw sa mga santos ug kalag karong umaabot Nobyembre 1 -2 kini subay sa mando sa nasudnong kapolisan para sa seguridad sa mga muduaw sa mga sam-ang.
Mao kini ang gibutyag ni P/Supt. Joie Pacito Yape, ang Police Information Officer sa Bohol Police Provincial Office.
Si Supt. Yape miingon nga mopakatap usab sila og mga pulis diha sa mga sam-ang, pantalan, tugpahanan ug mga terminal aron mobantay sa mga local ug langyaw nga bisita nga muduaw sa ilang tagsa tagsa ka minahal sa kinabuhi.
Makig-alayon usab sila sa mga barangay opisyal ug mohatag og mga tips alang sa luwas nga pagbyahe.
Nunot sa nagsingabot nga duha ka adlaw nga regular holiday, nagpahimangno si Yape sa mga tawo nga dili magtamhang sa ilang mga panaw, seguraduhon nga nakatrangka og ayo ang mga panimalay sa dili pa muadto sa mga menteryo.
Sa mga muduaw sa sam-ang, gidili ang pagdala sa mga ilimnong makahubog, mga hait ug makapatay nga hinagiban sama sa armas.
Link back to: Live Radio Recorded Broadcast Hot Topics