Duha ka motor siklo nga gihatag sa Mayor sa Dakbayan ngadto sa kapolisan dako kaayo og tabang
Oct 20th, 2014 by Latest News
Gipahayag sa deputy chief of police sa Tagbilaran City Police Station nga dako kaayo’g tabang sa ilang kampanya batok sa nagkadaiyang kremin ang duha ka sakyanan nga gihatag sa mayor sa dakbayan, Mayor Baba Yap atol sa iyang adlaw’ng natawhan.
Gibutyag ni P/SInsp. Adriano Bacus kinsa hepe sab sa Theft and Robbery Section nga makatabang kaayo kanila ang duha ka Honda nga motorsiklo nga gihatag ni Mayor Baba Yap niadtong biernes.
Ang duha ka motorsiklo dugang abag kini sa pagpatrolya sa adlaw ug gabii. Gawas sa maong bag-o nga sakyanan, nagpadayon usab karon ang mga gipaubos sa pagbansay-bansay ginatawag kini nga FTP kon Field Training Personnel nga kauban sa gihingusgan nga police visibility.
Nunot sa maong kalambuan, ang tibuok pwersa sa kapolisan sa Tagbilaran pinanguluhan ni P/CInsp. George Vale nagpasalamat ni Mayor Baba Yap.
Link back to: Live Radio Recorded Broadcast Hot Topics