DTI REGION 7 MIDAYEG SA MGA RETAILER SA BOHOL
Oct 15th, 2014 by Latest News
Gi-dayeg ni Asteria Caberte Regional Director sa Department of Trade and Industry (DTI) Region VII ang mga retailer dinhi sa probinsya sa bohol nga padayong mi-subay sa gitakdang suggested retail price kon SRP.
Matud ni caberte nga wa silay nakitang mipa-usbaw sa presyo sa mga nag-unang palaliton ug ang tanang mi-subay sa SRP hangtud karon subay na usab sa ilang kanunay nga pag- monitor.
Gi-tumbok sa opisyal nga bisan niadtong panahon sa kalamidad sama sa 7.2 magnitude nga linog ug ang pag-igo sa bagyong Yolanda sa kabisay-an pabilin gihapong misubay sa SRP ang mga retailer.
Kini sama na lamang sa madali-dali nga konsumo matag adunay kalamidad nga mao ang noddles ug mga canned goods diin way nakitang pagsaka bisan paman nga in-demand kaayo ang nahisgutang mga produkto sa panahon nga dunay kalamidad.
Apan gi-angkon hinoon ni caberte nga bugtong mipa-usbaw sa taas nga presyo mao ang gasoline diin halos tanang kompanya ang mi-pasaka gumikan na usab sa kakulang sa ilang suplay.
Subay niini gi-butyag ni caberte padayon gihapon ang ilang gihimong price monitoring sa mga nag-unang palaliton dinhi sa lalawigan sa bohol, diin nakita usab nga normal lang gihapon ang mga presyo niini.
Link back to: Live Radio Recorded Broadcast Hot Topics
