DTI magbantay karon sa presyo sa bulak ug kandila
Oct 30th, 2014 by Latest News
Gibantayan karon sa Department of Trade and Industry kon DTI ang presyo sa kandila ug buwak nga posibling modoble samtang nagsingabot ang adlaw sa mga santos ug kalag-kalag.
Si Joe Hibaya, ang hepe sa Consumer Welfare and Business Regulation Division sa buhatang probinsiyal sa DTI nagpasidaan sa mga magpapatigayon sa pagsunod sa gitakdang Suggested Retail Price kon SRP sa kandila hinuon way SRP sa mga buwak aron malikayan ang multa ug silot nga pwedeng ipahamtang sa ahensiya sa mga masakpang mosupak.
Giawhag ni Hibaya ang mga negosyante nga ipatuman ang price tagging sa mga produkto.
Nunot sa taho nga adunay klase sa kandila nga dunay sagol nga taas nga lead nga giingong makahilo, tambag ni Hibaya sa mga katawhan nga magduki-duki sa pagpalit og kandila ug sundon ang mga nipasar sa patakaran sa DTI aron dili mabutang sa kakuyaw ang panglawas.
Link back to: Live Radio Recorded Broadcast Hot Topics
