DTI giplanuhang ipatawag sa Sangguniang Panlungso kalabot sa pagmahal sa presyo
Oct 20th, 2014 by Latest News
Planong ipatawag sa konseho ning syudad sa tagbilaran ang Department of Trade And Industry (DTI) kabahin sa namatikdan nga pagsaka sa presyo sa pipila ka mga palaliton ilabi na sa manok ug baboy.
Mao kini ang nasabutan sa mga konsehal sa dakbayan nga sunod sesyon sa hawanan sa konseho sayron kung unsa ang hinungdan sa namatikdang pagsaka sa presyo sa karne.
Lakip usab nga ipatawag ang mga consumer group aron usab sila masayod kung unsa ang kahimtang sa kasamtangang sitwasyon sa mga nag-unang palaliton sa kamerkaduhan.
Una nang gi-padayag sa DTI nga pabiling normal ang mga persyo sa nag-unang palaliton dinhi sa dakbayan ug padayon nga mi-subay sa gikatakda nga Suggested Retail Price kon SRP subay na usab sa ilang gipahigayon nga price monitoring.
Link back to: Live Radio Recorded Broadcast Hot Topics