Dep-Ed Bohol wala modiklarar nga walay klase bisan sa nasinati nga habagat gumikan sa bagyong Ompong
Oct 11th, 2014 by Latest News
Walay diklarasyon ang Department Of Education nga ikansela ang klase sa tanang level sa mga tulunghaan dinhi sa lalawigan sa bohol bisan paman nga nakasinati ug mga pag-ulan ug huros sa hangin ang pipila ka dapit gumikan sa bagyong ompong.
Apan dunay mga tulunghaan nga mi-kanselar sa ilang mga klasee gumikan sa makusog nga ulan nga nasinati susama na lamang kagahapong adlawa didto sa usa ka barangay sa Garcia Hernandez, subay na usab sa pag-kompirma ni Dra. Welfreda Bongalos Dep-Ed Provincial School Superintendent dinhi sa bohol.
Kahinumdumang gi-butyag ni bongalos nga hangtud walay storm signal nga gi-pagawas ang pagasa dili usab maka desisyon ang dep-ed sa pagkensela sa mga klase, apan iyang gi-klaro nga kung adunay mga di matag-an nga panghitabo sama sa pagdahili sa yuta ug mga pagbaha mamahimo lang nga makadesisyon ang matag LGU nga ikansela ang klase sa ilang matag dapit.
Link back to: Live Radio Recorded Broadcast Hot Topics
