Dakbayan sa Tagbilaran wala pay pasilidad aron kabutangan sa mga nalisuan sa pangisip
Oct 22nd, 2014 by Latest News
Giangkon sa City Health Officer nga si Dr. Apollo John Bernaldez nga wa silay mahimo kabahin sa mga tawo nga nalisuan sa ilang panghuna-huna nga naglatagaw ug nakahatag og kahasol dinhi sa dakbayan.
Matud ni Bernaldez nga dili lang ang departamento sa kasanihan ang motutok sa maong suliran kondili kinahanglang tabangan kini og sulbad sa mga opisyal sa siyudad ug sa probinsiya.
Nasayran nga dili lang taga Tagbilaran ang mga gipasagdang tawo nga adunay diperensiya sa pangisip nga nagkaanam og kadaghan kondili gikan usab sa ubang dapit sa Bohol nga nakahasol kay bisan asa sila molabay sa ilang hugaw.
Dili susama sa mga nanglabayng panahon nga dihay psychiatrist sa Gallares Hospital nga mitagad sa maong suliran.
Gibutyag usab ni Bernaldez nga sa miaging mga panahon dihay nadala nila ngadto sa tambalanan sa Sugbo gipatambalan apan wa moluntad ang mga tagtungod sa pagbantay.
Link back to: Live Radio Recorded Broadcast Hot Topics