CITY SOCIAL WALFARE AND DEVELOPMENT WALA MAHIMO SA MGA LATAGAW
Oct 18th, 2014 by Latest News
Gi-angkon sa buhatan City Social Welfare Development nga wa silay mahimo labot sa transient o mga tao nga nag-latagaw sa kadalanan dinhi sa dakbayan sa tagbilaran aron nga mang-limos sa mga sakyanan, diin sagad usab kanila diha lang daplin sa kadalanan mangatulog.
Gi-pasabot ni Teresita Villafuerte labaw sa CSWD atol sa senemanang tigum sa sanguniang pang lungsod nga wa na nalakip sa syudad ang concern kabahin sa mga transient sanglit napamatud-an nga di sila gikan dinhi sa dakbayan kundi nag-gikan sa lagyong kalungsuran ug mi-dayo lang sa syudad aron nga manginabuhi sama sa pag-panglimos.
Gi-klaro sa opisyal nga dili pa badjao ang maong mga layaw gumikan kay mihimo ug kasabutan ang cswd tali sa mga indigenous people nga papahawaon sila sa syudad kung adunay usa sa ilang myembro nga masakpang nag libod suroy sa kadalanan ug mang limos.
Suma kang villafuerte nga kaniadto pa sila mihimo ug aksyon aron nga hiposon ug papaulion ang mga latagaw sa ilang mga dapit apan ilang namatikdan nga mamalik gihapon dinhi sa syudad aron nga mag-palimos.
Gi-butyag niini nga bisan ang kapulisan sa dakbayan way mahimo sa mga transient gumikan kay wa silay kabutangan kon ila man kining pangdakpon.
Dako na usab ug nagasto ang lokal nga pangamhanan sa dakbayan kaniadto pa ilabi na sa mga pamasahe sa mga transient diin mobalik lang gihapon sa syudad pila ka adlaw ang molabay.
Hinoon gi-butyag ni villafuerte nga bugtong sulosyon sa nahisgutang suliran mao ang pag-tukod ug kaugalingong crisis center dinhi sa syudad aron nga adunay kabutangan sa mga transient.
Link back to: Live Radio Recorded Broadcast Hot Topics