Cake nga makawala sa panimuot posobling maabot dinhi, kapolisan mipahimanglo sa mga dalaga kay basin mabiktima .
Oct 25th, 2014 by Latest News
Nagpasidaan ang kapolisan sa probinsiya sa mga katawhan ilabina sa mga kababayen-an nga mahilig mo-gimmick nga magbantay sa ilang mga kaugalingon batok sa mga tawong mapahimuslanon sa panahon, manglugos gamit ang ginatawag nga “rape drug” o Antiban.
Si P/Supt. Joie Pacito Yape ang tigpamaba sa Bohol Police Provincial Office nipahimangno human sa usa ka panghitabo sa kaulohan nga adunay babaye nga gilugos human gipakaon og cake nga gisagola’g “rape drug”.
Matud ni Yape nga sa dihang nadestino pa siya sa Manila, dugay na kaayo kini nga modus operandi sa mga tawo nga mapahimuslanon ug adunay daotang tumong.
Nasayran nga ang paagi sa mga gikatahapan, ilang isagol dili lang sa mga pagkaon ang rape drug o antiban apil na sa mga ilmnong makapatulog sa biktima ug giingong duha ka adlaw dili makamata. Si Yape mitambag ilabina nga taliabot ang kalag-kalag nga daghang mga tawo nga ikahimamat ug ika-ila-ila nga mag-amping gayud ug dili gayud dayon mutuo sa estorya sa tawo ilabina kung dili kaila.
Link back to: Live Radio Recorded Broadcast Hot Topics