BOHOL TAAS OG PRESYO SA MGA PALALITON IKOMPARA SA UBANG PROBENSYA – Allen Doydora
Oct 14th, 2014 by Latest News
Nag-pabilin nga taas ang presyo sa mga palaliton sa probinsya sa Bohol ilabi na dinhi sa dakbayan sa tagbilaran itandi sa presyo sa ubang probinysa ug syudad sa Central Visayas.
Kini maoy gi-butyag sa Regional Director sa Department of Trade and Industry (DTI) Region VII ug Vice Chairman sa Regional Tripartite Wages and Productivity Board (RTWPB) Asteria Caberte.
Matud ni caberte nga sukwahi ang probinsya sa bohol ilabi na dinhi sa dakbayan itandi sa ubang dapit sa central visayas kun presyo na sa mga palaliton ang hisgutang diin pila na ka tuig ang milabay nag-pabilin gihapon kining taas.
Dugang pa sa opisyal nga hangtud karon wa pa gihapon nahatagan ug katubagan ang maong suliran ug matud niya nga bisan si Gobernador Edgar Chatto wa usab makahatag ug tubag labot niini.
Apan gi-butyag ni caberte nga gi-padangat na sa gobernador ngadto sa senado ang nahisgutang suliran aron nga matuki ug mahatagan usab kini ug katubagan.
Luyo niini gi-tataw hinoon ni caberte nga bisan ug anaa sa taas nga presyo ang mga palaliton dinhi sa bohol apan mi-subay hinoon kini sa gitakda nga Suggested Retail Price kon SRP sa rehiyunal nga buhatan sa DTI.
Link back to: Live Radio Recorded Broadcast Hot Topics
