Big time drug [usher nasikop na usab sa kapolisan sa lungsod sa Talibon
Oct 30th, 2014 by Latest News
TALIBON- Nakasikop na sab ang kapolisan og laing Big-Time drug pusher sa usa ka buy-bust ug ronda kaganihang kaadlawon sa Sitio Balico, Brgy. Poblacion sa lungsod sa Talibon.
Ang gikatahapan giila nga usa ka Ronald Galvez, hingkod na sa panuigon ug nagpuyo sa nahisgutang dapit sa maong lungsod.
Gibuy-bust una ang gikatahapan diin napalitan kini sa nagtakobang pusuer buyer sa usa ka putos sa gituohang shabu sa kantidad nga 500 pesos.
Human sa buy-bust operation, gipatuman dayon ang pagronda sa panimalay sa gikatahapan pinasikad sa search warrant nga gipagawas ni Judge Marivic Trabajo Daray sa RTC Branch 52 sa Talibon.
Nakahipos ang kapolisan nga gipanguluhan ni P/SInsp. Edward Sanchez og 36 ka gagmayng ug usa ka medium size nga putos sa gituohang shabu, drug paraphernalia, klase-klase nga kalibre sa armas de fuego ug mga buhing bala sa armas. Atol gihapon sa maong ronda, laing upat ang nasikop sa kapolisan apan wa pa ibutyag ni P/SInsp. Sanchez ang mga pangalan niini.
Ang gikatahapan gibalhog na karon sa bilangguan sa Talibon.
Link back to: Live Radio Recorded Broadcast Hot Topics