Anti Mendicancy Law gipaabot sa NCIP nga mapatuman dinhi sa Tagbilaran
Oct 22nd, 2014 by Latest News
Gi-paabot pa sa buhatan sa National Commission on Indigenous People dinhi sa probinsya sa Bohol nga mapatuman ang gihimong ordinansa sa lokal nga pangamhanan sa tagbilaran kabahin sa Anti Mendicancy Law aron nga mahatagan ug kagahum sa pagpanakop sa mga masakpang magpalimos sa kadalanan.
Suma pa kang Sisinio Ampalayo head sa Service Center sa mga IP’s dinhi sa dakbayan nga sa pagkakaron wapa silay mahimo labot sa suliran sa mga badjao nga nagpalimos sa kadalanan sanglit nag-agad lang usab sila nga ipatuman sa syudad ang saktong balaud.
Sa higayon nga mapasa na ang nahisgutang balaudnon suma pa kang ampalayo nga makahimo na usab sila sa pagpamadlong ug pagpanakop dili lang sa mga badjao apan sa tanang masakpan nga magpalimos sa kadalanan.
Gi-dugang ni ampalayo nga ang masakpan nga magpalimos sa kadalanan dakpon ug adunay igong silot nga ipahamtang subay sa anti mendicancy law.
Nasayran nga ang mga badjao niadtong una taman lang sa pag-pang limos apan karon gi-ingong mang-labni na ug bag sa mga estudyante ilabi na sa mga kababaehan.
Link back to: Live Radio Recorded Broadcast Hot Topics