Anaa na sa buhatan sa piskalya sa Provincial Prosecutors Office (PPO) ang kaso batok sa usa ka tigpayuhot ug illegal nga droga nga nasikop sa lungsod sa talibon.
Nov 1st, 2014 by Latest News
Anaa na sa buhatan sa piskalya sa Provincial Prosecutors Office (PPO) ang kaso batok sa usa ka tigpayuhot ug illegal nga droga nga nasikop sa lungsod sa talibon.
Kasong kalapasan sa sec. 5, 11 ug 12 sa R.A 9165 kon comprehensive dangerous drugs act of 2002 ang gipasang-at batok kang Ronald Galves 45 anyos minyo ug residente sa Poblacion lungsod sa Talibon.
Si galves nakuhaan ug kapin 30 ka mga pakete sa gituuhang shabu drug paraphernalia ug 3 ka mga klase sa kalibre sa armas.
Matud pa kang SPO3 Bonifacio Flores Jr. Chief Investigator sa talibon PNP nga tun-an pa nila kung ilakip ang kasong kalapasan sa R.A 10951 ngadto kang galves.
Samtang laing kaubanan usab sa dinakpan ang gipasakaan ug kasong kalapasan sa Sec. 7 Paragraph B sa Republic Act 9156 human kini nasakpan nga mibisita sa panimay sa usa ka drug personality nga si galves.
Ang maong mga dinakpan gi-paila nga sila si Jonjie Gabutan 32 anyos nga taga San Isidro Talibon, Laurence Dagohoy 23 anyos ug taga Barangay Poblacion, Reynaldo Galves 30 anyos taga Barangay San Agustin Talibon ug usa ka babae nga menor de edad nga si Marjorie Sentillas 16 anyos ug nagpuyo sa Junan lungsod sa Buenavista.
Sa pagkakaron padayon usab nga gipangita sa talibon pnp ang usa pa ka kauban ni galves nga si Gilbert Cajes.
Link back to: Live Radio Recorded Broadcast Hot Topics