ABOT ALAM NGA PROGRAMA SA DEPED GILUSAD SA DAKBAYAN SA TAGBILARAN
Oct 15th, 2014 by Latest News
Pormal nga gilusad ang programang Abot Alam sa Department of Education City Division karong adlawa octobre 14 tuig kasamtangan.
Gi-panguluhan mismo ni Tagbilaran City Mayor John Jesnell Baba Yap ang maong launching kauban ang mga opisyal sa lokal nga pangamhanan sa syudad ug sa mga representante sa nag-kadaiyang hingtungdang ahensya sama sa Department of Labor and Employment, DOST, TESDA, DTI, DILG ug uban pa.
Suma pa kang Evangel M. Luminarias Schools Division Superintendent sa DepEd Tagbilaran City nga tumong ug tuyo sa pag-lusad sa maong programa aron nga matabangan ang mga out of school youth sa matag barangay sa dakbayan nga makatungha sa libreng pamaagi.
Sa pagkakaron suma pa nga aduna nay 400 ka mga out of school youth nga nalista gikan sa matag barangay nga tinguhang matabangan pinaagi sa abot alam program, diin gilangkuban kini sa mga mo-sunod.
Barangay booy 82, Poblacion 1 18, Poblacion 2-80, Poblacion 3-50 Barangay Booy 82, Tip-Tip 23, Cabawan 21, San Isidro 23, Dao 27, Cogon 38, Dampas 19, Mansasa 16 Ug Bool 3.
Target sa nahisgutang programa ang 575 ka mga out of school youth nga mahatagan ug saktong edukasyon diin aduna nay mga trabaho nga nag-hulat kanila sa higayong makahuman sa nahisgutang pagbansay ilawom sa abot alam program.
Subay niini nanawagan si luminarias sa mga out of school youth nga mo-pailawom sa libreng programa pinaagi sa pag-duol sa mga barangay kapitan nga maoy gitahasan nga mo-kuha ug mga pangalan sa mga osy sa ilang tagsa-tagsa ka mga barangay
Link back to: Live Radio Recorded Broadcast Hot Topics
